|
Ankesa |
Nuk ka pasur ankesa.
Janse skualifikuar operatoret si me poshte :
1) Arsyet e skualifikimit për "SHAGA" SHPK;
- Ofertuesi nuk plotëson gërmën a, nënpika 1 “Kriteret e vecanta të kualifikimit”, pasi në Formularin e Ofertës së paraqitur në SPE, nuk janë plotësuar të dhënat e kërkuara (cmimet për njësi pa TVSH, vlera pa TVSH dhe Cmimi total) në tabelat e veçanta për tre Autoritetet Kontraktore: Ministria e Arsimit, Sportit dhe Rinisë; Agjencia Kombëtare e Rinisë dhe Agjencia e Sigurimit të Cilësisë në Arsimin Parauniversitar.
Sipas Shtojcës 1 “Formulari i Ofertës” të DST, Operatorët ekonomik duhet të plotësojnë të gjitha tabelat, si tabelën e përgjithshme dhe tabelat e veçanta të autoriteteve kontraktore me të dhënat e paraqitura dhe për artikuj të njëjtë të ofertojnë me çmim të njëjtë, pa tejkaluar fondin e marrëveshjes kuadër të cdo autoriteti, në të kundërt oferta e tyre do të konsiderohet e pavlefshme.
2) Arsyet e skualifikimit për "ZDRAVA 07" SHPK;
- Ofertuesi nuk plotëson gërmën e, nënpika 1, te pikës 2 “Kriteret e vecanta të kualifikimit”, pasi në momentin e hapjes së ofertave nuk arriti të paraqisi Vërtetimin që konfirmon shlyerjen e të gjitha detyrimeve të maturuara të energjisë elektrike të kontratave të energjisë, që ka operatori ekonomik që është i regjistruar në Shqipëri.
Nga Vërtetimi i Debisë datë 15.02.2021 i paraqitur nga ofertuesi në SPE, rezulton se ky i fundit, nuk ka shlyer detyrimet e maturuara të energjisë elektrike për muajin Janar 2021.
- Ofertuesi nuk plotëson pikën 2, të seksionit 2.2 Kapaciteti Ekonomik dhe Financiar, të Kritereve të Vecanta të Kualifikimit, pasi bilancet e viteve 2017, 2018, 2019 nuk janë të shoqëruara me akt ekspertizat e ekspertit kontabël të autorizuar, cka vjen në kundërshtim me nenin 41 të ligjit nr. 10091, datë 05.03.2009 “Për auditimin ligjor, organizimin e profesionit të audituesit ligjor dhe të kontabilistit të miratuar”, pasi Ofertuesi është në kushtet e përmbushjes së detyrimit të parashikuar nga dispozita e mësipërme ligjore.
3) Arsyet e skualifikimit për "M. LEZHA" SHPK;
- Ofertuesi nuk plotëson pikën 4, gërma e, seksioni 2.3, Kapaciteti teknik, Kriteret e veçanta të kualifikimit, pasi në momentin e hapjes së ofertave, nuk arriti të paraqesë Certifikatë për transport mallrash në emër të tij për njërin nga 3 (tre) mjetet e transportit të mallrave të kërkuara.
Nga dokumentacioni i dorëzuar në SPE nga ofertuesi, rezulton se Certifikata për transport mallrash e mjetit me targa KR8112A (të cilin e disponon shoqëria “IGLI-Saed” shpk), është specifike dhe e lëshuar për kryerjen e transportit të mallrave brenda vendit vetëm për llogari të veprimtarisë së vet.
Në këtë mënyrë, kryerja e transportit të mallrave nga ana e operatorit ekonomik “M LEZHA” shpk me kamionin e shoqërisë “IGLI-Saed” shpk do të jetë në kushtet e kryerjes së transportit të mallrave me qira dhe për të tretë pa licencën përkatëse, transport i cili në zbatim të nenit 41 të ligjit “Për Transportet Rrugore” është i ndaluar.
4) Arsyet e skualifikimit për “BOLT” SHPK;
- Ofertuesi nuk plotëson pikën 8, të seksionit 2.3 Kapaciteti teknik, “Kriteret e vecanta të kualifikimit”, pasi në momentin e hapjes së ofertave nuk arriti të paraqesë mostrat e kërkuara sipas tabelës së kërkuar në DST, pjesë e kritereve të përgjithshme të pranimit/kualifikimit.
5) Arsyet e skualifikimit për "EUROPRINTY GROUP" SHPK;
- Ofertuesi nuk plotëson gërmën e, nënpika 1 “Kriteret e vecanta të kualifikimit”, pasi në momentin e hapjes së ofertave nuk arriti të provojë shlyerjen e të gjitha detyrimeve të maturuara të energjisë elektrike të kontratave të energjisë, që ka operatori ekonomik që është i regjistruar në Shqipëri. Dokumentacioni i paraqitur në SPE si pjesë e ofertës të tij nga ofertuesi, nuk përmban nënshkrimin elektronik të organit kompetent FSHU.
- Ofertuesi nuk plotëson pikën 2, të seksionit 2.2 Kapaciteti Ekonomik dhe Financiar, të Kritereve të Vecanta të Kualifikimit, pasi bilancet e viteve 2017, 2018 dhe 2019 nuk janë të certifikuara nga autoriteti përkatës tatimor.
- Ofertuesi nuk plotëson pikën 4, seksioni 2.3 Kapaciteti teknik të Kritereve të veçanta të kualifikimit, pasi në momentin e hapjes së ofertave, nuk arriti të paraqesë dokumentacionin që vërteton pronësinë (Certifikatat e pronësisë të lëshuara nga institucioni i autorizuar me ligj) për mjetet AA319RV, AA794LY dhe AA698 EV.
Gjithashtu, nga dokumentacioni i paraqitur për automjetin me targë AA319RV rezulton se ky i fundit është me kapacitet transportues nën 1 ton, në kundërshtim me kriterin e përcaktuar në pikën 4 të seksionit 2.3 Kapaciteti teknik të DST.
|
