|
Ankesa |
Ka pasur ankesa.
Është paraqitur një Formular Ankese hyrë në Bashkinë e Tiranës me shkresën me Nr. 5602 Prot. datë 04.02.2019.
Pas shyqrtimit te ankeses nga ana e Autoritetit Kontraktor u vendos mospranimi i ankesës, duke i kthyer pergjigje nëpërmjet shkresës me Nr. 5602/4 Prot. , datë 08.02.2019.
Nuk u paraqit asnjë ankesë pranë Komisionit të Prokurimit Publik.
Janë skualifikuar Operatorët ekonomik të mëposhtëm:
1. Operatori ekonomik “Elda-Vl” shpk :
• Pas hapjes së ofertave, u konstatua se shoqëria “Elda-Vl” shpk ka paraqitur në sistemin elektronik vetëm Ekstraktin e Regjistrit Tregtar për të dhënat e subjektit “Shoqëri me përgjegjësi të kufizuar”. Ky fakt i konstatuar u regjistrua në procesverbalin e vlerësimit të ofertave.
2. Oferta e paraqitur nga Operatori ekonomik “Inerti” shpk :
• Operatori ekonomik “Inerti” shpk, referuar Shtojcës 10 nuk ka aftësinë e duhur teknike për realizimin me sukses të kontratës.
3. Bashkimi i Operatorëve ekonomik “B 93 II” shpk & “Meteo” shpk & “Rafin Company” shpk :
• Bashkimi i operatorëve ekonomikë “B 93II” shpk & “Meteo” shpk & “Rafin Company” shpk nuk plotëson pikën 2.1 të kritereve të vecanta të kualifikimit të Dokumentave Standarte të Tenderit: “Nëse oferta dorëzohet nga një Bashkim Operatorësh ekonomik, duhet te dorezohen...” pasi bashkimi i operatorëve ekonomikë nuk ka paraqitur marrëveshje të noterizuar sipas së cilës bashkimi i operatorëve ekonomikë është krijuar zyrtarisht si dhe prokurë të posacme.
• Bashkimi i operatorëve ekonomikë “B 93II” shpk & “Meteo” shpk & “Rafin Company” shpk nuk plotëson pikën 2.1 të kritereve të vecanta të kualifikimit të Dokumentave Standarte të Tenderit: “Nëse oferta dorëzohet nga një Bashkim Operatorësh ekonomik, duhet te dorezohen...” pasi bashkimi i operatorëve ekonomikë nuk ka paraqitur marrëveshje të noterizuar/kontratë ku të jenë të përcaktuar zërat e punimeve që do të kryejë secili operator ekonomik cka bie në kundërshtim me Kreut VIII Nenit 74 pika 2 të Vendimit të Këshillit të Ministrave Nr. 914, datë 29.12.2014 “Për Miratimin e rregullave të prokurimit publik”, (i ndryshuar), “Para dorëzimit të ofertës, bashkimi duhet të krijohet zyrtarisht, me një marrëveshje të noterizuar, ku të përcaktohen përfaqësuesi i grupit, përqindja e pjesëmarrjes së punës/shërbimit/furnizimit dhe elementet konkrete, që do të kryejë secili nga anëtarët e këtij bashkimi”.
• Bashkimi i operatorëve ekonomikë “B 93II” shpk & “Meteo” shpk & “Rafin Company” shpk nuk plotëson pikën 2 të kapacitetit ekonomik dhe financiar të Dokumentave Standarte të Tenderit: “Kopje të deklarimit të xhiros vjetore gjatë 3 (tri) viteve të fundit ushtrimore (2015, 2016, 2017)...” pasi nuk është paraqitur një marrëveshje/kontratë bashkëpunimi ku të përcaktohet pjesëmarrja në përqindje dhe rrjedhimisht edhe vlera e xhiros mesatare vjetore të kërkuar për secilin operator ekonomik.
• Bashkimi i operatorëve ekonomikë “B 93II” shpk & “Meteo” shpk & “Rafin Company” shpk nuk plotëson pikën 17 të kapacitetit teknik të Dokumentave Standarte të Tenderit: “Dëshmi për mjetet e pajisjet teknike, që ka në dispozicion apo mund ti vihen në dispozicion operatorit ekonomik, që nevojiten për ekzekutimin e kontratës (Shtojca 10)” pasi mjetet e deklaruara dhe paraqitura nga operatori ekonomik “rafin Company” shpk nuk plotësojnë tërësinë e makinerive të kërkuara ndërsa operatori ekonomik “B 93 II” shpk deklaron nëpërmjet shtojcën 10 se mjetet dhe asetet fizike janë në dispozicion të një objekti tjetër jo të atij që prokurohet.
4. Oferta e paraqitur nga Operatori ekonomik “Curri” shpk :
• Shoqëria “Curri” shpk nuk disponon Licencë lëshuar nga Qendra Kombëtare e Licensimit për grumbullim dhe transportim të mbetjeve që kanë ndikim në mjedis (Kodi III.2.B), çka bie në kundërshtim me DST, Kriteret e Veçanta të Kualifikimit, Kapaciteti Teknik, pika 16.
• Operatori ekonomik “Curri” shpk nuk plotëson Dokumentat Standarte të Tenderit, Kriteret e Veçanta të Kualifikimit, Kapaciteti Teknik, pika 17, ku ndër të tjera përcaktohet se: “Operatori ekonomik duhet të disponojë 1 (nje) kamionçina me kapacitet mbajtës 3.5 – 5 ton”.
• Operatori ekonomik “Curri” shpk, referuar Shtojcës 10 si edhe dokumentacionit shoqërues për mjetet e paraqitura, nuk ka aftësinë e duhur teknike për realizimin me sukses të kontratës.
5. Bashkimi i Operatorëve ekonomik “Dajti Park 2007” shpk & “Glavenica” shpk :
• Bashkimi i Operatorëve ekonomik ka deklaruar se disponon 1 (një) kamionçinë me targa AA 841 KJ. Pas verifikimeve të dokumentacionit të paraqitur për disponomin e mjetit të sipërcituar, rezulton se kamionçina me targa AA 841 KJ ka kapacitet mbajtës 3.4 Ton, çka bie në kundërshtim me DST, Kriteret e Veçanta të Kualifikimit, Kapaciteti Teknik, pika 17, ku ndër të tjera përcaktohet se: “Operatori ekonomik duhet të disponojë 1 (një) Kamionçinë me kapacitet mbajtës 3.5 – 5 Ton”.
• Bashkimi i Operatorëve ekonomik “Dajti Park 2007” shpk & “Glavenica” shpk, referuar Shtojcës 10 nuk ka aftësinë e duhur teknike për realizimin me sukses të kontratës.
6. Oferta e paraqitur nga Operatori ekonomik “BE-IS” shpk :
• Operatori ekonomik “BE-IS” shpk nuk plotëson pikën 17 të Kapacitetit Teknik të Dokumentave Standarte të Tenderit: “Kandidati ofertues duhet të përcaktojë me anë të një deklaratë (nga Administratori i shoqërisë) Drejtuesin Teknik të punimeve në objekt i cili duhet të jetë i përfshirë në liçencën e shoqërisë dhe të deklaroje se ai nuk është i angazhuar në kontratat të tjera…..” , pasi drejtuesi teknik i deklaruar për këtë procedurë prokurimi rezulton të jetë i anagazhuar gjatë gjithë afatit të zbatimit të kontratës për procedurën e shpallur fitues me objekt: “Rehabilitim i rrugës dhe qendrës së lagjes Sheheler”.
• Operatori ekonomik “BE-IS” shpk nuk plotëson pikën 17 të Kapacitetit Teknik të Dokumentave Standarte të Tenderit: “Dëshmi për mjetet e pajisjet teknike, që ka në dispozicion apo mund t’i vihen në dispozicion operatorit ekonomik, që nevojiten për ekzekutimin e kontratës (Shtojca 10)/ Kamionçinë me kapacitet mbajtës 3.5 -5 ton” , pasi kamioncinat me targë TR 3094 U, AA 057 N, AA 108 HK, VL 8838 C, Autobitumatrice me targë AA 782 FA dhe të gjithë kamionët e deklaruar në Shtojcën 10 rezultojnë të anagazhuar në procedurën e shpallur fitues me objekt: “Rehabilitim i rrugës dhe qendrës së lagjes Sheheler”.
|
